Gabon aldiko II. Domekea
GORESPENAK
Agurra
V/.
Zatozkit lagun, ene Jainko.
R/. Jauna, zatoz laster ni laguntzera.
V/.
Aintza Aitari eta Semeari eta Espiritu Santuari.
Hasieran zen bezala orain eta beti
gizaldi eta gizaldietan. Amen.
Aleluia.
Goratzarrea
Salterioa
1 Ant. Argi bat sortu da ilunpetan, gizaki guztion Salbatzailea jaio da, alleluia.
117 Salmoa
Eskerrak Jaunari, ona da-eta,
Haren
maitasuna betikoa da-eta.
Israel-etxeak
hauxe esan bei:
«Haren
maitasuna betikoa».
Aaron-etxeak hauxe esan bei:
«Haren
maitasuna betikoa».
Esan beie
Jaunaren bildur diranek:
«Haren
maitasuna betikoa».
Deitu neutsan larrialdian Jaunari,
entzun eustan
eta onez atara.
Jauna dot neugaz:
ez deutsat bildurrik,
gizonak egin
leikidanari.
Nirekin
Jauna, niri lagun egiteko,
nik etsaiak
lotsatuak ikusteko.
Hobe da Jaunagana batzea,
eta ez gizakiengan
uste on izatea;
hobe da
Jaunagana batzea,
eta ez handikiengan
uste on izatea.
Atzerri-jende guztiek inguratu ninduen:
Jaunaren
izenean xehatu nebazan.
Alde guztitik
jendeek inguratu ninduen:
Jaunaren
izenean xehatu nebazan.
Erleek lez
inguratu ninduen,
biztu ziran
sua sasian lez:
Jaunaren
izenean xehatu nebazan.
Gogor bultzatu ninduen jausteko,
hantxe egoan
Jauna niri laguntzeko.
Nire indar
eta nire kemen Jauna,
Bera suertatu
da nire salbazinoa.
Poz eta garaipen-oihuak zintzoen txabolan:
«Jaunaren eskoiak
bizkor jokatu dau,
Jaunaren eskoiak
nau altxatu,
Jaunaren eskoiak
bizkor dau jokatu».
Ez naz hilgo, bizi izan baino,
Jaunaren eginak
nik oihukatuko.
Zigortu nau
Jaunak, zigortu,
baina ez nau heriotzaratu.
Edegi niri zintzotasunaren ateak,
hortik
sarturik emon deiodazan Jaunari eskerrak.
Hauxe da
Jaunaren atea,
zintzoak
sartuko dira aurrera.
Eskerrak Zuri, entzun nozulako,
salbamen suertatu
zaiatazalako.
Etxegileek baztertutako harria,
berori suertatu
da giltz-harria.
Jaunak egin dau
hori,
gure begien harrigarri.
Hauxe da Jaunak egin dauan eguna,
gu poztutzeko
eta alaitzeko eguna.
Emon, Jauna,
salbazinoa,
emon, Jauna,
zoriona.
Bedeinkatua Jaunaren izenean datorrena,
bedeinkatzen
zaituegu Jaunaren etxean.
Jainkoa da
Jauna,
guri argi
egin deuskuna.
Antolatu eizue jente-lerroa
abar-hostoak
eskuetan dabezala,
altarearen
ertzetaraino doazela.
Zeu zara nire Jainko,
eskerrak emoten
deutsudaz;
ene Jainko,
goresten zaitut.
Eskerrak Jaunari, ona da-ta,
Haren
maitasuna betikoa da-ta.
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Argi bat sortu da ilunpetan, gizaki guztion Salbatzailea jaio da, alleluia.
2 Ant. Egin deiogun goratzarre Jaunari, gure Jainkoari, alleluia.
Kantika: Dn 3, 52-57
Bedeinkatua Zu, Jauna, gure arbasoen Jainkoa:
aintza ta
gorespen Zuri gizaldietan.
Bedeinkatua zure izen santu eta aintzagarria:
aintza ta
gorespen Berari gizaldietan.
Bedeinkatua Zu, jauretxe santu eta aintzagarrian:
aintza ta
gorespen Zuri gizaldietan.
Bedeinkatua Zu, zure erreinuko aurkian:
aintza ta
gorespen Zuri gizaldietan.
Bedeinkatua Zu, kerubin-ganean jesarrita,
lezak ikusten
dozuzana:
aintza ta
gorespen Zuri gizaldietan.
Bedeinkatua Zu, zeru-sabaian:
aintza ta
gorespen Zuri gizaldietan.
Jaunak egindako guztiak, bedeinkatu eizue Jauna:
goretsi eta
ospatu gizaldietan.
eta Espiritu santuari.
Lehen lez, orain eta beti,
eta amaibako egunetan. Amen.
Ant. Egin deiogun goratzarre Jaunari, gure Jainkoari, alleluia.
3 Ant. Ilunpetan ebilen herriak argi handi bat ikusi eban, alleluia.
150 Salmoa
Goretsi eizue Jauna bere jauretxean,
Goretsi eizue
bere zeru ospetsuan.
Goretsi eizue,
Berak egin-lan handiakaitik,
Goretsi eizue
bere handiaren handiagaitik.
Goretsi eizue turutaren hotsez,
Goretsi eizue
salterioz eta kitar-hotsez.
Goretsi eizue
zaldabai eta dantzarekin,
Goretsi eizue
zurda-soinu eta txistuarekin.
Goretsi eizue txilin ozenekin,
Goretsi eizue
txilin alaiekin.
Arnasa duen
guztik Jauna beza goretsi.
Aintza Aitari eta Semeari,
eta Espiritu Santuari.
Lehen
lez, orain eta beti,
eta amaibako egunetan. Amen.
Ant. Ilunpetan ebilen herriak argi handi bat ikusi eban, alleluia.
Jainkoaren itza
Askotan, eta era askotara hitz egin eutsen Jainkoak aspalditik gure arbasoei Profeten bidez; eta azkenak diran egunotan, Semearen bidez hitz egin deusku. Seme hauxe egin eban gauza guztien oinordeko; eta Beraren bidez egin eban mundua be.
R/. Kristo, Jainko biziaren Seme. * Erruki zakiguz. Kristo.
V/. Maria Birjinagandik jaio zinan hori. * Erruki.
Aintza Aitari. Kristo.
Bened. ant. Birjina leial-leialak Jainkoaren Hitza gizon egina
sortu dau, eta seina egin ondoren ere birjina gelditu da. Goretsi daigun
guztiok, esanez: Bedeinkatua zu andra guztien artean.
Bedeinkatua Jauna, Israelgo Jainkoa
agertu eta bere herria askatu dauana;
salbazino indarra deusku emon,
bere morroi Dabiden etxean.
Halan eukan berbea emonda bere santuen bidez,
behinola bere profeta zituenen bidez;
salbazinoa gure etsaien menpetik,
gorroto deuskuen guztien eskutik.
Horrela egin deutse gure gurasoei erruki,
bere alkarte santuaz oroiturik;
egin eutson-eta gure guraso Abrahami zin-hitza,
Berak emongo euskula.
Gure etsaien eskutik gu atarata, bildur barik,
izan gaitezan Haren zerbitzari;
zintzo eta zuzen Beraren aurrean,
gure egun guztietan.
Zu, barriz, seina,
Goi-goikoaren profeta deitua izango zara,
Jaunaren aurpegi aurretik joango zara-eta,
Hari bidea prestatzera;
erakustearren Haren herriari salbamena,
euren pekatuen parkamena.
Gure Jainkoaren errai errukitsuekaitik,
agertuko jaku Goiz-eguzkia ganetatik;
ilunpetan eta herio-gerizpean dagozanei argi egitera,
gure oinok bake-bidean zuzentzera.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Birjina leial-leialak Jainkoaren Hitza gizon egina sortu dau, eta seina egin ondoren ere birjina gelditu da. Goretsi daigun guztiok, esanez: Bedeinkatua zu andra guztien artean.
Eskariak
Ospatu daigun goratzarretan Kristo, Jainkoaren Hitza, gizaldiak baino lehenago dana, orain jaio jakuna, eta goraldu daigun pozik esanez:
Poztu bedi lurra, Jauna, etorri zaralako.
—Kristo, betiko Hitza, lurrera jatsirik alaitasunezko ihintzez asetu dozu mundua * argitu eizuz gure bihotzak, zure etorrerearen argiaz.
—Gure Salbatzaile, zure jaiotza egunean Jainkoaren leialtasuna erakutsi deuskuzu: * egizu, gure Bateoko agintzariak leialtasunez bete daiguzala.
—Zeru-lurren Errege, aingeruen bidez munduari bakea iragarri deutsazu: * gorde gure bizitza zeure bakean.
—Jauna, egiazko mahatsondo izatera etorri zinan,
guri biziaren zituak emoteko: * egizu, aihenak lez Zuri loturik, egiazko frutuak emon daiguzala.
(… isil unea, bakotxak bere eskaria egin ahal izan daian).
Gure Aita zeruetan
zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Jainko ahalguztidun betiraunekoa, Zugan
sinisten dabenen argia, bete eizu zure aintzaz mundua, eta argi distiratsu horrek eroan daizala herrialde guztiak Zu ezagutzera. Zure Seme Jesu Kristo gure Jaunaren bitartez, Zurekin eta
Espiritu Santuarekin batean Jainko eta errege bizi da-ta gizaldi eta
gizaldietan.
Amaierea
V/. Bedeinkatu gaizala Jainko ahalguztidunak:
Aitak eta Semeak eta Espiritu Santuak.
R/. Amen.
V/.
Goazen Jaunaren bakean.
R/. Eskerrak Jainkoari.
